ஸ்பேஸ் எக்ஸ் நிறுவனம், விர்ஜினியாவின் வாலப்ஸ் தீவில் இருந்து ஃபால்கன் 9 ராக்கெட்டில் சிக்னஸ் விண்கலத்தை வெற்றிகரமாக ஏவியுள்ளது. இந்த விண்கலம், 8300 பவுண்டு எடையுள்ள பொருட்கள் மற்றும் தொழில்நுட்ப சாதனங்களை சர்வதேச விண்வெளி நிலையத்திற்கு கொண்டு செல்லும். இது நாசாவிற்கான 21-வது விநியோகம் மற்றும் சிக்னஸ் விண்கலத்தின் 16-வது பயணமாகும். வானியல் மற்றும் பூமி அறிவியல் தொடர்பான சோதனைகளுக்கு தேவையான பொருட்கள் மற்றும் விண்வெளி நிலைய குழுவினருக்கான உணவு, தண்ணீர், உபகரணங்கள் போன்ற அத்தியாவசிய பொருட்கள் இந்த விண்கலத்தில் உள்ளன. சிக்னஸ் விண்கலம், பிப்ரவரி 6 அன்று சர்வதேச விண்வெளி நிலையத்துடன் இணைக்கப்படும் என்று எதிர்பார்க்கப்படுகிறது. பின்னர், 3 மாதங்கள் விண்வெளி நிலையத்துடன் இணைந்திருந்து, அதிலிருக்கும் குப்பைகளை சேகரித்து கடலில் சேர்க்கும் என்று தெரிவிக்கப்பட்டுள்ளது.
