ஸ்பேஸ் எக்ஸ் இன்று (பிப். 4) மாக்சார் டெக்னாலஜிஸின் இரண்டு வேர்ல்ட்வியூ லீஜியன் செயற்கைக்கோள்களை வெற்றிகரமாக விண்ணில் அனுப்பியது. ஃபால்கன் 9 ராக்கெட், செயற்கைக்கோள்களை சுமந்து கொண்டு NASA-வின் கென்னடி விண்வெளி மையத்திலிருந்து மாலை 6:13 EST (2313 GMT) நேரத்தில் புறப்பட்டது.
லீஜியன் 5 செயற்கைக்கோள் நிறுவப்பட்ட 49 நிமிடங்களுக்குப் பிறகு, லீஜியன் 6 ஒரு மணி நேரத்தில் வெற்றிகரமாக பிரிக்கப்பட்டது. இந்த இரண்டு செயற்கைக்கோள்களும் 30 செ.மீ. துல்லியமான படங்களை எடுக்கவல்லவை ஆகும். மாக்சார் கடந்த ஆண்டு மே மற்றும் ஆகஸ்டில் லீஜியன் 1 முதல் 4 செயற்கைக்கோள்களை அனுப்பியது. இதே நாளில், ஸ்பேஸ் எக்ஸ் ஒரு ஸ்டார்லிங்க் செயற்கைக்கோள் தொகுதியையும் விண்ணில் அனுப்புவது குறிப்பிடத்தக்கது.
