ஸ்பேஸ் எக்ஸ் நிறுவனம் தனது 100வது ராக்கெட் ஏவுதலை நேற்று வெற்றிகரமாக நிறைவு செய்தது. புளோரிடாவிலிருந்து 23 ஸ்டார்லிங்க் செயற்கைக்கோள்கள் சுற்றுப்பாதைக்கு அனுப்பப்பட்டன. இதில் பயன்படுத்தப்பட்ட ஃபால்கன் 9 ராக்கெட்டின் முதல் கட்ட பூஸ்டர், "எ ஷார்ட்ஃபால் ஆஃப் கிராவிடாஸ்" என்ற ட்ரோன் கப்பலில் பாதுகாப்பாக தரையிறங்கியது. இதற்கு இரண்டு மணி நேரத்திற்குப் பிறகு, கலிபோர்னியாவிலிருந்து மேலும் 20 ஸ்டார்லிங்க் செயற்கைக்கோள்களை ஏவி, ஸ்பேஸ்எக்ஸ் தனது 101வது பணியையும் வெற்றிகரமாக நிறைவு செய்தது குறிப்பிடத்தக்கது.
சமீபத்தில் ஃபால்கன் 9 ராக்கெட்டில் சில சிக்கல்கள் ஏற்பட்ட போதிலும், ஸ்பேஸ் எக்ஸ் நிறுவனம் தனது பணிகளை விரைவாக மீட்டெடுத்து, இந்த ஆண்டு மட்டும் 96 முறை ஃபால்கன் 9 ராக்கெட்டை ஏவியுள்ளது. இது தவிர, ஸ்டார்ஷிப் ராக்கெட்டின் சோதனையை வெற்றிகரமாக நிறைவு செய்து சாதனை படைத்துள்ளது.
