ஒரத்தநாடு அருகே கோயிலில் திருடப்பட்ட சிலை அமெரிக்காவில் இருப்பது கண்டுபிடிக்கப்பட்டுள்ளது.
தமிழ்நாட்டில் திருடப்பட்ட பழங்கால சிலை அமெரிக்காவில் இருப்பதை சிலைக்கடத்தல் தடுப்பு பிரிவு அதிகாரிகள் கண்டுபிடித்துள்ளனர். தஞ்சை மாவட்டம் ஒரத்தநாடு முத்தம்மாள்புரம் கிராமத்தில் உள்ள ஸ்ரீகாசி கோயிலில் 50 ஆண்டுகளுக்கு முன்னர் ரூ.34 கோடி மதிப்புள்ள சம்ஹாரமூர்த்தி சிலை திருடப்பட்டுள்ளது.
அதற்கு பதிலாக போலி சிலை வைக்கப்பட்டிருப்பதாக கோயில் செயல் அலுவலர் போலீசில் புகார் அளித்தார். இதுகுறித்து விசாரணை நடத்திய சிலைக்கடத்தல் தடுப்பு பிரிவினர், பழங்கால கலை பொருட்களை விற்பனை செய்யும் ஏல நிறுவனம் சிலையை விற்பனை செய்திருப்பதை கண்டுபிடித்தது.
இதையடுத்து அமெரிக்காவில் உள்ள பழங்கால சம்ஹாரமூர்த்தி சிலையை தமிழ்நாட்டிற்கு திருப்பி அனுப்புவதற்கான சட்டபூர்வமான ஆவணங்களை அமெரிக்காவிடம் ஒன்றிய அரசு சமர்ப்பித்துள்ளது.
