சுவிட்சர்லாந்து ஓபன் பேட்மிண்டன் போட்டியில் ஸ்ரீகாந்த் முதல் சுற்றில் வெற்றி பெற்றார்.
சுவிட்சர்லாந்து ஓபன் பேட்மிண்டன் போட்டி பாசெல் நகரில் நேற்று தொடங்கியது, மேலும் வரும் 23 ஆம் தேதி வரை நடைபெற உள்ளது. இதில் முன்னணி வீரர், வீராங்கனைகள் பங்கேற்கின்றனர்.
ஆண்கள் ஒற்றையர் பிரிவு முதல் சுற்றில், இந்திய வீரர்கள் கிடாம்பி ஸ்ரீகாந்த் மற்றும் எச்.எஸ். பிரனாய் மோதினர். கடுமையான போட்டியில், ஸ்ரீகாந்த் 23-21, 23-21 என்ற நேர் செட் கணக்கில் வெற்றி பெற்றார். இதன் மூலம், அவர் அடுத்த சுற்றுக்கு முன்னேறியுள்ளார்.
நாளை நடைபெறும் இரண்டாம் சுற்றில், ஸ்ரீகாந்த் சீனாவின் லீ ஷிபெங் உடன் மோதவுள்ளார்.
