இன்று சீனாவின் போர்க்கப்பல்கள் மற்றும் போர் விமானங்கள் தைவானைச் சுற்றி காணப்பட்டதாக அந்நாட்டு பாதுகாப்பு அமைச்சகம் தெரிவித்துள்ளது.
தைவான் நாட்டு பாதுகாப்பு அமைச்சகத்தின் அதிகாரப்பூர்வ எக்ஸ் பக்கத்தில், இன்று காலை, சீனாவின் 36 போர் விமானங்கள் மற்றும் 6 போர்க்கப்பல்கள் தைவான் பகுதியில் காணப்பட்டதாக குறிப்பிடப்பட்டுள்ளது. மேலும், 13 போர் விமானங்கள் தைவானின் வடக்கு பகுதியில் நுழைந்ததாக குறிப்பிடப்பட்டுள்ளது. முன்னதாக, நேற்று, 32 சீன போர் விமானங்கள் தைவான் நாட்டில் காணப்பட்டதாக தெரிவிக்கப்பட்டது. அடுத்தடுத்து 2 நாட்களில் சீன விமானங்கள் தைவானை சுற்றி வருவது அந்தப் பகுதியில் பதற்றத்தை அதிகரித்துள்ளது. சீனாவின் விமானங்கள் மற்றும் கப்பல்களை தொடர்ந்து கண்காணித்து வருவதாக தைவான் பாதுகாப்பு அமைச்சகம் தெரிவித்துள்ளது.
