டாடா மோட்டார்ஸ் நிறுவனம், தனது பிரபலமான சப்-காம்பாக்ட் எஸ்யூவி மாடலான நெக்ஸானில் சிஎன்ஜி மற்றும் மேம்படுத்தப்பட்ட எலக்ட்ரிக் மாடல்களை அறிமுகம் செய்துள்ளது.
1.2 லிட்டர் டர்போ பெட்ரோல் என்ஜினுடன் கூடிய சிஎன்ஜி வாகனம், ஒரு கிலோ எரிபொருள் செலவில் 24 கிலோமீட்டர் பயணிக்கும் திறன் கொண்டது. டாடாவின் இரு சிலிண்டர் தொழில்நுட்பம் காரணமாக, இந்த காரில் 321 லிட்டர் பூட் ஸ்பேஸ் கிடைக்கிறது. இதன் விலை ரூ.8.99 லட்சம் (எக்ஸ்-ஷோரூம்) ஆக நிர்ணயிக்கப்பட்டுள்ளது. எலக்ட்ரிக் மாடலில், 45 kWh கொள்ளளவு கொண்ட பெரிய பேட்டரி பொருத்தப்பட்டுள்ளது. இதன் மூலம் ஒரு முறை சார்ஜ் செய்தால் 489 கிலோமீட்டர் தூரம் பயணிக்க முடியும். இதன் உண்மையான வரம்பு 350-370 கிலோமீட்டர் எனக் கூறப்படுகிறது. இந்த மாடலின் விலை ரூ.13.99 லட்சத்தில் தொடங்குகிறது. மேம்படுத்தப்பட்ட வடிவமைப்பு மற்றும் உட்புற அம்சங்கள், 6 ஏர்பேக்குகள் மற்றும் எலெக்ட்ரானிக் ஸ்டெபிலிட்டி கண்ட்ரோல் போன்ற பாதுகாப்பு அம்சங்கள் இந்த வாகனங்களில் தரமாக வழங்கப்படுகின்றன.
