கேரளா,கர்நாடகா உள்ளிட்ட 88 தொகுதிகளில் பாராளுமன்ற தேர்தலின் இரண்டாம் கட்ட வாக்குப்பதிவு இன்று நடைபெறுகிறது.
நாடு முழுவதும் பாராளுமன்றத் தேர்தல் ஏழு கட்டங்களாக ஏப்ரல் 19ஆம் தேதி முதல் ஜூன் 1 ஆம் தேதி வரை நடைபெறுகிறது. இதன் முதற்கட்ட தேர்தல் தமிழகம் உள்ளிட்ட 102 தொகுதிகளில் நடைபெற்றது. 21 மாநிலங்கள் மற்றும் யூனியன் பிரதேசத்தில் நடைபெற்ற தேர்தலில் 65.5% வாக்குகள் பதிவாகி இருந்தன. இதனை தொடர்ந்து இன்று இரண்டாம் கட்டமாக 13 மாநிலங்கள் மற்றும் யூனியன் பிரதேசங்களில் உள்ள 88 தொகுதிகளுக்கு தேர்தல் வாக்குப்பதிவு நடைபெறுகிறது. இன்று காலை 7:00 மணி முதல் மாலை 6 மணி வரை வாக்குப்பதிவு நடைபெற்றது.
