கொல்கத்தாவில் பயிற்சி பெண் டாக்டர் படுகொலை செய்யப்பட்ட சம்பவத்திற்கு எதிர்ப்பு தெரிவித்து நாடு முழுவதும் போராட்டம் நடைபெற்று வருகிறது.
மேற்குவங்க மாநிலம் கொல்கத்தாவில் பயிற்சி பெண் டாக்டர் பாலியல் வன்கொடுமை செய்து படுகொலை செய்யப்பட்ட சம்பவம் பெரும் அதிர்ச்சியை ஏற்படுத்தியுள்ளது. இதற்கு எதிர்ப்பு தெரிவித்து, நாடு முழுவதும் டாக்டர்கள் மற்றும் மாணவர்கள் பல்வேறு போராட்டங்களில் ஈடுபட்டுள்ளனர். இந்திய மருத்துவ சங்கம் இன்று ஒரு நாளாக வேலை நிறுத்தத்தை அறிவித்தது. ஈரோடு மாவட்டத்தில் 400 மருத்துவமனைகள் மற்றும் 2 ஆயிரம் மருத்துவர்கள் இந்த வேலை நிறுத்தத்தில் பங்கேற்றுள்ளனர். தனியார் மருத்துவமனைகள் முன்பு போர்டுகள் வைக்கப்பட்டு, மற்ற அனைத்து மருத்துவ சேவைகளும் நிறுத்தப்பட்டுள்ளன. அரசு மருத்துவமனைகளில் நோயாளிகளின் கூட்டம் அதிகரித்துள்ளது, மற்றும் மருத்துவர்கள் கருப்பு பேட்ஜ் அணிந்து கண்டன ஆர்ப்பாட்டத்தில் ஈடுபட்டு வருகின்றனர்.
