அமெரிக்க ராணுவ மந்திரியாக முன்னாள் ராணுவ வீரரும் பாக்ஸ் நியூஸ் தொகுப்பாளருமான பீட் ஹெக்சேத் நியமனம் செய்யப்பட்டுள்ளார்.
இந்த நியமனத்தை தொடர்ந்து, டிரம்ப் வெளியிட்ட அறிக்கையில், "பீட் தனது வாழ்நாளை ராணுவத்துக்கும் நாட்டிற்கும் அர்ப்பணித்தார். அவர் கடினமானவர், புத்திசாலி மற்றும் 'அமெரிக்காவே முதலில்' என்ற கொள்கையில் நம்பிக்கை கொண்டவர். பீட் தலைமையில் நமது ராணுவம் மீண்டும் சிறப்பாக இருக்கும்" எனத் தெரிவித்தார். 44 வயதான பீட், ஈராக் மற்றும் ஆப்கானிஸ்தானில் பணியாற்றிய அனுபவம் கொண்டவர். அவர் சிறப்பான சேவைக்காக இரண்டு வெண்கல நட்சத்திரங்கள் பெற்றவர்.
