டாடா மோட்டார்ஸ் தனது பிரபல மாடலான டாடா பன்ச் வாகனத்தை புதுப்பித்து அறிமுகம் செய்துள்ளது. புதிய டாடா பன்ச் வாகனத்தின் விலை ரூ.6.13 லட்சம் முதல் ரூ.9.90 லட்சம் வரை நிர்ணயிக்கப்பட்டுள்ளது.
புதிய டாடா பன்ச் வாகனத்தில் 1.2 லிட்டர் பெட்ரோல் எஞ்சின் கொடுக்கப்பட்டுள்ளது. அதே சமயத்தில், சிஎன்ஜி எரிபொருளுக்கான விருப்பமும் கொடுக்கப்பட்டுள்ளது. மேலும், 10.25 இன்ச் தொடுதிரை, வயர்லெஸ் ஆண்ட்ராய்டு ஆட்டோ மற்றும் ஆப்பிள் கார் பிளே, வயர்லெஸ் சார்ஜர் போன்ற பல்வேறு புதிய அம்சங்கள் சேர்க்கப்பட்டுள்ளன. அதிகரித்த தொழில்நுட்ப வசதிகள் மற்றும் புதிய வடிவமைப்புடன் வெளியாகியுள்ள புதிய டாடா பன்ச் வாகனத்தின் உயர் வகையின் விலை ரூ.20,000 குறைக்கப்பட்டுள்ளது. மேலும், மூன்று புதிய வகைகள் அறிமுகப்படுத்தப்பட்டு, நான்கு பழைய வகைகள் நிறுத்தப்பட்டுள்ளன. குறிப்பிட்ட காலத்திற்கு வாடிக்கையாளர்களுக்கு ரூ.18,000 வரையிலான கூடுதல் சலுகைகள் வழங்கப்படும் என்று அறிவிக்கப்பட்டுள்ளது.
