அமெரிக்காவில் சூறாவளி புயலால் 2 ஆயிரம் விமானங்கள் ரத்து செய்யப்பட்டது.
அமெரிக்காவில் சிக்காகோ நகரில் நேற்று கடுமையான சூறாவளி புயல் வீசியது. 75 கிலோமீட்டர் வேகத்தில் சூறாவளி காற்று வீசியது. சூறாவளி காரணமாக இடி மின்னலுடன் பலத்த மழை பெய்தது. இதனால் விமான சேவைகள் பாதிக்கப்பட்டது. இதனால் கிரேட் லேண்ட் மற்றும் சிகாகோ பகுதியில் ஏராளமான வீடுகள் சேதம் அடைந்தன. மின் விநியோகமும் துண்டிக்கப்பட்டது. அப்போது சிகாகோ விமான நிலையம் உள்ளிட்ட பல்வேறு விமான நிலையங்களில் விமான சேவை பாதிக்கப்பட்டது. சுமார் 2000 விமானங்கள் ரத்து செய்யப்பட்டது. 2400 விமானங்கள் புறப்படுவதில் தாமதம் ஏற்பட்டது. இதனால் ஆயிரக்கணக்கான பயணிகள் பாதிப்படைந்தனர்.
மேலும் பல நகரங்களில் இலட்சக்கணக்கான வீடுகளில் மின்சாரம் துண்டிக்கப்பட்டுள்ளது. இதனால் பொதுமக்களின் இயல்பு வாழ்க்கை முடங்கிப் போய் உள்ளது. புயலால் பாதிக்கப்பட்ட பகுதிகளில் மீட்பு பணிகள் விரைவுப்படுத்தப்பட்டுள்ளது.
