அணு ஆயுதம் குறித்த தரவுகளை ரஷியாவுக்கு பரிமாற்றம் செய்ய மாட்டோம் என அமெரிக்கா தெரிவித்துள்ளது.
அணு ஆயுதங்களை குறைப்பதற்காக 'நியூ ஸ்டார்ட்' அணு ஆயுதக் குறைப்பு ஒப்பந்தம் அமெரிக்கா- ரஷியா இடையே ஏற்படுத்தப்பட்டது. இந்த ஒப்பந்தத்தின் முக்கிய நோக்கம் அணு ஆயுதம் எங்கு உள்ளது, எங்கிருந்து ஏவப்படுகிறது உள்ளிட்ட தரவுகளை பகிர்வது ஆகும். உக்ரைன் மீது ரஷியா போர் தொடங்கியதில் இருந்து அமெரிக்கா- ரஷியா இடையிலான உறவில் விரிசல் ஏற்பட்டது.
இதனால் 'நியூ ஸ்டார்ட்' ஒப்பந்தத்தை ரஷியா இடைநிறுத்தியது. இந்நிலையில், அமெரிக்கா பதிலடி கொடுக்கும் வகையில் தாங்களும் அணு ஆயுதம் குறித்த தரவுகளை ரஷியாவுக்கு கொடுப்பதில்லை என முடிவு செய்துள்ளது. இதனை அமெரிக்க வெளியுறவுத்துறை திட்டவட்டமாக அறிவித்துள்ளது.
