பாரிஸ் ஒலிம்பிக்கில் 50 கிலோ ஃப்ரீஸ்டைல் மல்யுத்த இறுதிப் போட்டிக்குச் செல்லும் வாய்ப்பை 100 கிராம் எடையால் இழந்த வினேஷ் போகத், தனது ஓய்வை அறிவித்து அனைவரையும் அதிர்ச்சியடைய வைத்தார்.
இந்த நிலையில், வினேஷின் சிறு வயது பயிற்சியாளரும் நெருங்கிய உறவினருமான மஹாவீர் போகத், வினேஷ் தனது முடிவை மறுபரிசீலனை செய்ய வேண்டும் என்று வலியுறுத்தியுள்ளார். மஹாவீர் கூறுகையில், “இவ்வளவு நெருங்கி வந்து பதக்கத்தை இழந்ததால் உண்டான மன உளைச்சலில் வினேஷ் இந்த முடிவை எடுத்திருக்கலாம். ஆனால், ஒரு குருவாக வினேஷ் தனது கனவுகளை கைவிடுவதை நான் விரும்பவில்லை. 2028 லாஸ் ஏஞ்சல்ஸ் ஒலிம்பிக்கில் அடுத்த தலைமுறை பெண் மல்யுத்த வீரர்களுக்கு வழிகாட்ட வினேஷ் போன்றோர் தொடர்ந்து போராட வேண்டும்” என்று தெரிவித்துள்ளார்.
