சீனாவில் மிகப்பெரிய அளவிலான தங்க இருப்பு கண்டுபிடிக்கப்பட்டுள்ளது! மத்திய சீனாவின் பிங்ஜியாங் கவுண்டியில் சுமார் 1000 மெட்ரிக் டன் தங்கம் புதைந்து இருப்பது கண்டறியப்பட்டுள்ளது. இந்த தங்கத்தின் மதிப்பு சுமார் 83 பில்லியன் அமெரிக்க டாலர்கள் என மதிப்பிடப்பட்டுள்ளது. இதுவரை உலகின் மிகப்பெரிய தங்க சுரங்கமாக கருதப்பட்ட தென்னாப்பிரிக்காவின் ஆழமான சுரங்கத்தை விட இது பெரியதாகும்.
இந்த சுரங்கத்தில் தங்க இருப்பு பற்றிய ஆரம்பகால ஆய்வுகளில் 2 கிலோமீட்டர் ஆழத்தில் சுமார் 40 தங்க நரம்புகள் இருப்பது கண்டுபிடிக்கப்பட்டுள்ளது. இதில் 300 மெட்ரிக் டன் தங்கம் இருப்பதாக மதிப்பிடப்பட்டுள்ளது. மேலும், 3 கிலோமீட்டர் ஆழத்தில் இன்னும் அதிக அளவில் தங்கம் இருக்கலாம் என்றும் கூறப்படுகிறது. இந்த தங்கத்தின் தரம் மிகவும் உயர்ந்தது. ஒரு மெட்ரிக் டன் தங்கத்தில் 138 கிராம் தங்கம் இருப்பதாக கண்டறியப்பட்டுள்ளது. இது தங்கத்தின் தரத்திற்கான அளவுகோலான 8 கிராம் என்பதை விட மிக அதிகம். இந்த புதிய கண்டுபிடிப்பு சீனாவின் தங்கத் தொழிலுக்கு பெரும் பலத்தை அளித்துள்ளது. ஏற்கனவே உலகின் மொத்த தங்க உற்பத்தியில் 10 சதவீதத்தை சீனா உற்பத்தி செய்து வருகிறது. இந்த புதிய கண்டுபிடிப்பால் சீனாவின் பங்கு மேலும் அதிகரிக்கும். உலகளாவிய அளவில் தங்கத்தின் மீதான தேவை அதிகரித்து வரும் நிலையில், இந்த புதிய கண்டுபிடிப்பு தங்கத்தின் விலையை மேலும் உயர்த்தும் என எதிர்பார்க்கப்படுகிறது.
