சீன கைபேசி உற்பத்தியாளரான சியோமி, 900 ஊழியர்களை பணி நீக்கம் செய்துள்ளதாக தகவல் வெளிவந்துள்ளது. கைபேசி மற்றும் இணைய சேவை வர்த்தகத்தில் பணிபுரிந்து வந்த ஊழியர்கள் நீக்கப்பட்டதாக கூறப்படுகிறது. முன்னதாக, 15% சியோமி ஊழியர்கள் பணி நீக்கம் செய்யப்படலாம் என்று தெரிவிக்கப்பட்டிருந்தது குறிப்பிடத்தக்கது. இந்த நடவடிக்கை மூலம், சர்வதேச அளவில் 10% பணியாளர்கள் பாதிக்கப்படுவர் என்று கருதப்படுகிறது. அவர்களுக்கு, அந்தந்த நாட்டின் விதிமுறைகளின் படி உரிய தொகை வழங்கப்படும் என தெரிவிக்கப்பட்டுள்ளது.
சீனாவில் உள்ள பொது முடக்கம் காரணமாக, சியோமி நிறுவனம் தொடர்ச்சியாக இழப்புகளை சந்தித்து வருகிறது. கடந்த காலாண்டில் நிறுவனத்தின் வருவாய் 9.7% சரிந்தது. விற்பனை மதிப்பு, வருடாந்திர அளவில் 20% சரிந்து, 10.31 பில்லியன் அமெரிக்க டாலர்களாக பதிவானது. இந்த நிறுவனத்தின் வருவாயில் 60% கைபேசி விற்பனை மூலம் ஈட்டப்படுகிறது. இந்நிலையில், கைப்பேசி விற்பனையிலும் 11% சரிவு பதிவாகியுள்ளது. இதன் மூலம், பணி நீக்க நடவடிக்கையில் ஈடுபட்டுள்ள நிறுவனங்களின் பட்டியலில் சியோமி இணைந்துள்ளது.
