துரித வர்த்தக நிறுவனமான ஜெப்டோ நிறுவனத்தின் உயர் அதிகாரிகள் தொடர்ச்சியாக ராஜினாமா செய்து வருவதால், நிறுவனம் நெருக்கடியில் சிக்கியுள்ளது. குறிப்பாக, 9 மாதங்களுக்கு முன் பதவியேற்றுக் கொண்ட நிறுவனத்தின் மத்திய செயல்பாடுகளின் துணைத் தலைவர் ஜிதேந்திர பாக்கா ராஜினாமா செய்துள்ளது அதிர்ச்சியளித்துள்ளது. இதற்கு முன்னர், 11 மாதங்களுக்கு முன் பதவியேற்றுக் கொண்ட தலைமை மனிதவள அதிகாரி மார்ட்டின் தினேஷ் கோம்ஸ் ராஜினாமா செய்தது குறிப்பிடத்தக்கது. வைரல் ஜாவேரி, ஆஷிஷ் ஷா மற்றும் மாணிக் ஓபராய் உள்ளிட்ட பல முக்கிய அதிகாரிகளும் இந்த ஆண்டு நிறுவனத்தை விட்டு வெளியேறி உள்ளனர்.
ஜெப்டோ தனது தலைமையகத்தை பெங்களூருக்கு மாற்றியதும், அதிகரித்து வரும் போட்டியும் இந்த ராஜினாமாக்களுக்கு முக்கிய காரணமாக கூறப்படுகிறது. 550க்கும் மேற்பட்ட டார்க் ஸ்டோர்களைக் கொண்டுள்ள ஜெப்டோ நிறுவனம், 2025ஆம் ஆண்டு விரிவடைந்து பொதுவில் பங்கு வெளியிட திட்டமிட்டுள்ளது. ஆனால், தொடர்ச்சியான ராஜினாமாக்கள் நிறுவனத்தின் இந்த திட்டங்களை பாதிக்குமா என்ற கேள்வி எழுந்துள்ளது.
