2024 ஆண்டுக்கான ஐ.சி.சி. ஒருநாள் கிரிக்கெட் அணி பட்டியல் வெளியாகியுள்ளது. இதில், இந்திய அணியை சேர்ந்த எந்தவொரு வீரரும் இடம் பெறாமல் அதிர்ச்சியை ஏற்படுத்தியுள்ளது. பட்டியலில் இலங்கையை சேர்ந்த நான்கு வீரர்கள், பாகிஸ்தான் மற்றும் ஆப்கானிஸ்தான் அணிகளில் தலா மூன்று வீரர்கள், மற்றும் வெஸ்ட் இண்டீஸ் அணியில் ஒருவரின் பெயர் இடம்பெற்றுள்ளது.
இலங்கை அணியின் சரித் அசலங்கா கேப்டனாக அறிவிக்கப்பட்டுள்ளார். இவர் கடந்த ஆண்டு 16 ஒருநாள் போட்டிகளில் 605 ரன்கள் எடுத்து, 50.2 என்ற சராசரியுடன் விளையாடினார்.
2024 ஐ.சி.சி. ஒருநாள் கிரிக்கெட் அணி பட்டியல்:
சரித் அசலங்கா (கேப்டன்) - இலங்கை, சயிம் ஆயுப் - பாகிஸ்தான், ரஹ்மனுள்ளா குர்பாஸ் - ஆப்கானிஸ்தான், பதும் நிசங்கா - இலங்கை, குசல் மெண்டிஸ் (விக்கெட் கீப்பர்) - இலங்கை, ஷெர்ஃபேன் ரூத்தர்ஃபோர்டு - வெஸ்ட் இண்டீஸ், அசமதுல்லா ஓமர்சாய் - ஆப்கானிஸ்தான், வனிந்து ஹசரங்கா - இலங்கை, ஷாஹீன் ஷா அப்ரிடி - பாகிஸ்தான், ஹாரிஸ் ரவூப் - பாகிஸ்தான், ஏ.எம். காசன்ஃபர் - ஆப்கானிஸ்தான்.
