பாகிஸ்தான் எல்லையை கடந்த 6 டிரோன்கள் பஞ்சாபில் இடைமறிக்கப்பட்டு சுட்டுத் தள்ளப்பட்டன. ஆயுதங்கள் மற்றும் 1.070 கிலோ ஹெராயினும் கைப்பற்றப்பட்டுள்ளன.
இந்தியா–பாகிஸ்தான் எல்லையை கடந்த டிரோன்கள் மூலமாக கடத்தல் செயற்பாடுகள் மீண்டும் தீவிரமடைந்துள்ளன. பஞ்சாப் மாநிலத்தின் அமிர்தசரஸ் அருகே மோதே கிராமத்தில் மட்டும் 5 டிரோன்கள் மற்றும் அட்டாரி கிராமத்தில் மேலும் 1 டிரோன் ஆகிய 6 டிரோன்களை எல்லை பாதுகாப்புப் படை வீரர்கள் சுட்டுத் தள்ளினர். பாகிஸ்தானை சேர்ந்ததாகக் கூறப்படும் இந்த டிரோன்கள் இந்திய எல்லைக்குள் நுழைவதை முயற்சித்ததற்காக இந்நடவடிக்கை எடுக்கப்பட்டது. சோதனை நடவடிக்கைகளில், துப்பாக்கிகள், மூன்று மெகஜின்கள், மற்றும் 1.070 கிலோ ஹெராயின் போன்ற கடத்தல் பொருட்களும் கைப்பற்றப்பட்டன. இது போன்ற முயற்சிகளை முறியடிக்க எல்லை காவல் நடவடிக்கைகள் தீவிரமாக்கப்பட்டுள்ளன.
