பிரபல விமானப் போக்குவரத்து நிறுவனமான இண்டிகோ ஏர்லைன்ஸ், இன்று தனது 3.7% பங்குகளை பிளாக் டீல் மூலம் விற்பனை செய்துள்ளது. நிறுவனத்தின் பங்கு விற்பனை குறித்த செய்தி வெளியானதைத் தொடர்ந்து, நேற்றைய வர்த்தக நாளில், நிறுவனத்தின் பங்குகள் 2.5% சரிந்தன. அதைத்தொடர்ந்து, இன்று, மேலும் 5% சரிந்து, இன்று காலை நேர வர்த்தகத்தில் ஒரு பங்கு விலை 1885 ரூபாயாக இருந்தது. நிறுவனம் விற்ற பங்குகளை வாங்கியவர்களின் விவரங்கள், பங்குச்சந்தை அறிக்கை வெளியான பின்னர் தெரியவரும் என்று சொல்லப்பட்டுள்ளது.
நேற்றைய நிலவரப்படி, இண்டிகோ நிறுவனம், பிளாக் டீலில் 1.56 கோடி பங்குகளை பட்டியலிட்டு இருந்தது. ஒரு பங்கு விலை 1875 ஆக நிர்ணயம் செய்யப்பட்டிருந்தது. இந்த விற்பனை கோல்ட்மேன் சாக்ஸ் நிறுவனத்தை முகமையாகக் கொண்டு நடைபெற்றது. மேலும், மொத்த பங்கு விற்பனை மதிப்பு 350 மில்லியன் டாலர்களாக சொல்லப்பட்டுள்ளது. கடந்த டிசம்பர் மாத இறுதியில், நிறுவனம் சார்பாக 72% பங்குகள் இருந்தன. அதில், தற்போது 3.7% பங்குகள் விற்பனை செய்யப்பட்டுள்ளது குறிப்பிடத்தக்கது.
