உலகின் 5வது மிகப்பெரிய பொருளாதாரமாக இந்திய பொருளாதாரம் வளர்ச்சியடைந்துள்ளது.
சர்வதேச நிதியம் எனப்படும் ஐஎம்எப் அமைப்பானது, வருடாந்திர அடிப்படையில் டாலர் மதிப்பு அளவில் பொருளாதார கணக்கெடுப்பு நடத்தியுள்ளது. அதில், அமெரிக்கா, சீனா, ஜப்பான், ஜெர்மனியை தொடர்ந்து இந்தியா 5வது மிகப்பெரிய பொருளாதாரமாக உருவெடுத்தது. இந்தியா பங்குச்சந்தைகளிலும் உயர்ந்து வருகிறது. இதனால், கடந்த காலாண்டு நிலவரப்படி பிரிட்டன் பொருளாதாரம் 814 பில்லியன் டாலராக இருந்தது. தற்போது இந்தியாவின் பொருளாதாரம் 854.7 பில்லியன் டாலராக வளர்ந்துள்ளது.
பிரிட்டனில் பிரதமர் மாற்றம் ஏற்பட உள்ளதால், அந்நாட்டின் பொருளாதாரம் 6வது இடத்திற்கு தள்ளப்பட்டுள்ளது. புதிதாக பதவியேற்கும் பிரதமருக்கு 40 ஆண்டுகளில் இல்லாதஅளவுக்கு ஏற்பட்டுள்ள பணவீக்கம் மற்றும் பொருளாதார மந்த நிலை ஆகியவற்றின் சவாலை எதிர்கொள்ள வேண்டிய கட்டாயம் ஏற்பட்டுள்ளது. இது 2024 இறுதி வரை நீடிக்கும் அபாயம் உள்ளதாக பிரிட்டன் ரிசர்வ் வங்கி கூறியுள்ளது.
இந்திய பொருளாதாரம் இந்த ஆண்டில் 7 சதவீதத்திற்கு மேலும் வளரும் என கணக்கிடப்பட்டுள்ளது குறிப்பிடத்தக்கது.
