கிழக்கு லெபனானின் ஹெர்மல் பகுதியில் இஸ்ரேல் வான்வழி தாக்குதல்களை நடத்தியதில் 57 பேர் உயிரிழந்தனர்.
இஸ்ரேல் மற்றும் ஹமாஸ் இடையேயான போர் தொடரும் நிலையில், ஹமாஸ் ஆயுதக்குழுவினருக்கு ஏமனிலுள்ள ஹவுதி கிளர்ச்சியாளர்களும், லெபனானில் உள்ள ஹிஸ்புல்லா அமைப்பினரும் ஆதரவு அளித்து வருகின்றனர். குறிப்பாக, லெபனானில் செயல்பட்டு வரும் ஹிஸ்புல்லா, இஸ்ரேலுக்கு தொடர்ந்த ராக்கெட் தாக்குதல்களை நடத்தி வருகிறது. இதற்குப் பதிலாக, இஸ்ரேல் ராணுவம் லெபனானில் தாக்குதலை தீவிரப்படுத்தி, கிழக்கு லெபனானின் ஹெர்மல் பகுதியில் வான்வழி தாக்குதல்களை நடத்தியது. இந்த தாக்குதலில் 57 பேர் உயிரிழந்தனர் மற்றும் 50-க்கும் மேற்பட்டோர் படுகாயமடைந்தனர். மேலும், வரலாற்று சிறப்புமிக்க 'அல்-மான்ஷியா' கட்டிடமும் முழுமையாக சேதமடைந்ததாக தெரிவிக்கப்பட்டுள்ளது.
