செப்டம்பர் இறுதி முதல் அக்டோபர் இறுதி வரை பல்வேறு வழித்தடங்களில் சிறப்பு ரெயில்கள் – முன்பதிவு நாளை தொடக்கம்
ஆயுத பூஜை மற்றும் தீபாவளி பண்டிகைகளை முன்னிட்டு பயணிகள் அதிகம் இருப்பதை கருத்தில் கொண்டு தெற்கு ரெயில்வே சிறப்பு ரெயில்களை இயக்குவதாக அறிவித்துள்ளது. இவற்றுக்கான முன்பதிவு நாளை தொடங்கும் எனவும் தெரிவித்துள்ளது. செப்டம்பர் 28 முதல் அக்டோபர் 26 வரை ஒவ்வொரு ஞாயிற்றுக்கிழமையும் நாகர்கோவிலில் இருந்து தாம்பரத்திற்கு சிறப்பு ரெயில் இயக்கப்படும். மறுமார்க்கமாக, செப்டம்பர் 29 முதல் அக்டோபர் 27 வரை ஒவ்வொரு திங்கட்கிழமையும் தாம்பரத்தில் இருந்து நாகர்கோவிலுக்கு சிறப்பு ரெயில் இயக்கப்படும். அதேபோல், சென்ட்ரல் – செங்கோட்டை இடையே செப்டம்பர் 24 முதல் அக்டோபர் 24 வரை புதன்கிழமைகளில், மறுமார்க்கமாக செப்டம்பர் 26 முதல் அக்டோபர் 25 வரை வியாழக்கிழமைகளில் ரெயில்கள் இயக்கப்படும். எழும்பூர் – நெல்லை இடையே செப்டம்பர் 25 முதல் அக்டோபர் 23 வரை வியாழக்கிழமைகளில், மறுமார்க்கமாக செப்டம்பர் 26 முதல் அக்டோபர் 24 வரை வெள்ளிக்கிழமைகளில் ரெயில்கள் இயக்கப்படும். எழும்பூர் – தூத்துக்குடி இடையே செப்டம்பர் 29 முதல் அக்டோபர் 27 வரை திங்கள்கிழமைகளில், மறுமார்க்கமாக செப்டம்பர் 30 முதல் அக்டோபர் 28 வரை செவ்வாய்கிழமைகளில் ரெயில்கள் இயக்கப்படும். மேலும், சென்ட்ரல் – போத்தனூர் (கோவை) இடையே செப்டம்பர் 25 முதல் அக்டோபர் 23 வரை வியாழக்கிழமைகளிலும், மறுமார்க்கமாக செப்டம்பர் 26 முதல் அக்டோபர் 24 வரை வெள்ளிக்கிழமைகளிலும் சிறப்பு ரெயில்கள் இயக்கப்படும்.
