வணிக பயன்பாட்டு சிலிண்டர் விலை 25.50 ரூபாய் உயர்ந்துள்ளது.
எண்ணெய் நிறுவனங்கள் சர்வதேச சந்தையில் நிலவும் கச்சா எண்ணெய் விலைக்கு ஏற்ப உள்நாட்டில் மாதத்தின் முதல் நாளன்று சமையல் சிலிண்டர் விலையில் மாற்றம் செய்கின்றன. தமிழகத்தில் 2022 ஜூலையில் வீட்டு சமையல் காஸ் சிலிண்டர் 1,068.50 ரூபாய்க்கு விற்பனையானது. அப்போது முதல் டிசம்பர் வரை சிலிண்டர் விலை மாற்றப்படவில்லை.
இந்நிலையில் எண்ணெய் நிறுவனங்கள் சிலிண்டர் விலைகளை நேற்று வெளியிட்டன. டிசம்பரில் வணிக பயன்பாட்டிற்கான சிலிண்டர் 1,891.50 ரூபாய்க்கு விற்பனையானது. இம்மாதம் அந்த சிலிண்டர் விலை 25.50 ரூபாய் உயர்ந்து 1,917 ரூபாயாக அதிகரித்துள்ளது.
