தீர்ப்பை இணையத்தில் அறிய தனித்துவ எண் வழங்கப்படும்  -  உச்ச நீதிமன்ற நீதிபதி சந்திரசூட் 

இணையத்தில் தீர்ப்பு விவரங்களை எளிதாக தேடி கண்டுபிடிக்க ஒவ்வொரு தீர்ப்புக்கும் தனித்துவ எண் வழங்கப்படும் என்று உச்ச நீதிமன்ற தலைமை நீதிபதி சந்திரசூட் அறிவித்துள்ளார்.

இதுகுறித்து உச்ச நீதிமன்ற தலைமை நீதிபதி சந்திரசூட் கூறுகையில், உச்ச நீதிமன்றத்தின் அனைத்து தீர்ப்புகளுக்கும் தனித்துவ எண் வழங்கப்பட உள்ளது. முதல்கட்டமாக கடந்த 2014-ம் ஆண்டு முதல் கடந்த ஜனவரி 1-ம் தேதி வரையிலான தீர்ப்புகளுக்கு தனித்துவ எண் வழங்கப்பட உள்ளது. இதன்படி 30,000 தீர்ப்புகளுக்கு பிரத்யேக எண் அளிக்கப்படும்.

இரண்டாம் கட்டமாக 1995-ம் ஆண்டு முதல் 2013-ம் ஆண்டு வரை வரையிலான தீர்ப்புகளுக்கும் மூன்றாம் கட்டமாக 1950-ம் ஆண்டுமுதல் 1994-ம் ஆண்டு வரையிலான தீர்ப்புகளுக்கும் தனித்துவ எண்கள் வழங்கப்படும். பிராந்தியமொழிகளில் மொழி மாற்றம் செய்யப்பட்ட தீர்ப்புகளை சரிபார்க்க நீதிபதிகள் அடங்கிய குழு நியமிக்கப்பட்டிருக்கிறது என்று அவர் கூறினார்.