அபுதாபி இன்வெஸ்ட்மென்ட் அத்தாரிட்டி (ADIA) இந்தியாவின் முன்னணி விமான நிலைய உரிமையாளரான ஜிஎம்ஆர் குழுமத்தில் $750 மில்லியன் தொகையை முதலீடு செய்ய உள்ளது. இந்த முதலீடு ஜிஎம்ஆர் குழுமத்தின் விமான நிலைய வணிகத்தை வலுப்படுத்தி, இந்தியாவின் வளர்ந்து வரும் விமானப் போக்குவரத்துத் துறையில் ADIA-வின் பங்களிப்பை அதிகரிக்கும்.
GMR எண்டர்பிரைசஸ் (GEPL) என்ற GMR குழுமத்தின் துணை நிறுவனத்தில் இந்த முதலீடு செய்யப்படுகிறது. GEPL, GMR விமான நிலையங்களில் 25% பங்கை வைத்துள்ளது. இந்த முதலீட்டின் மூலம், GMR எண்டர்பிரைசஸின் மொத்த கடன் சுமை குறைய உள்ளது. தற்போது 44.77 பில்லியன் ரூபாயாக இருக்கும் இந்த கடனை மறுநிதியளிக்க இந்த தொகை பயன்படுத்தப்படும். வரும் 2030 ஆம் ஆண்டுக்குள் இந்தியாவின் உள்நாட்டுப் பயணிகள் போக்குவரத்து இரட்டிப்பாக 300 மில்லியனை எட்டும் என எதிர்பார்க்கப்படுகிறது. இந்த நிலையில், அபுதாபி முதலீட்டு ஆணையத்தின் இந்த முதலீடு, இந்தியாவின் விமானப் போக்குவரத்துத் துறையின் வளர்ச்சியை மேலும் துரிதப்படுத்தும் என எதிர்பார்க்கப்படுகிறது.
