பூடான் மன்னர் ஜிக்மே கேசர் நாம்கேல் வாங்சுக் மற்றும் ராணி ஜெட்சன் பெமா ஆகியோர் இரண்டு நாள் பயணமாக இந்தியா வந்துள்ளனர். அவர்களை வெளியுறவுத்துறை அமைச்சர் எஸ். ஜெய்சங்கர் உற்சாகமாக வரவேற்றார். இந்தியா மற்றும் பூடான் இடையே நீண்ட காலமாக இருந்து வரும் நட்புறவை மேலும் வலுப்படுத்தும் வகையில் இந்த வருகை அமைந்துள்ளது.
பிரதமர் நரேந்திர மோடி உள்ளிட்ட இந்திய அரசின் உயர்மட்ட அதிகாரிகளை சந்தித்து இரு நாடுகளுக்கு இடையிலான ஒத்துழைப்பை வலுப்படுத்துவதற்கான வழிகளை பூடான் மன்னர் ஆராய்வார் என எதிர்பார்க்கப்படுகிறது. இந்த பயணத்தின் போது பல்வேறு ஒப்பந்தங்கள் கையெழுத்தாகும் வாய்ப்பு உள்ளது.
