வேலூர் மாவட்டம் காட்பாடி அடுத்த திருவலம் ரயில் நிலையத்தில் பராமரிப்பு பணிகள் நடைபெறுவதன் காரணமாக எக்ஸ்பிரஸ் ரயில்கள் தாமதமாக புறப்பட்டன.
தெற்கு ரயில்வே வேலூர் மாவட்டம் காட்பாடி அடுத்த திருவள்ளூர் ரயில் நிலையத்தில் காலை 10:20 முதல் மதியம் 1.50 மணி வரை சிக்னல் பராமரிப்பு பணிகள் நடைபெறும் என அறிவித்திருந்தது. மேலும் இதன் காரணமாக வேலூர் கான்டோன்மென்ட் இருந்து அரக்கோணம் செல்லும் விரைவு ரயில், கோவை - சென்னை இன்டர்சிட்டி எக்ஸ்பிரஸ், மைசூர் - சென்னை செல்லும் மைசூர் எக்ஸ்பிரஸ், பெங்களூர் - தானப்பூர் செல்லும் எக்ஸ்பிரஸ், மங்களூர் - சென்னை செல்லும் எக்ஸ்பிரஸ் ரயில்கள் காலதாமதம் ஆக புறப்பட்டன. அதேபோல தானபூர் - பெங்களூர் சூப்பர் பாஸ்ட் ரயில், சென்னை - சீரடி செல்லும் எக்ஸ்பிரஸ், ஆகியவை கால தாமதமாக செல்லும் என அறிவிக்கப்பட்டிருந்தது. இதனால் அரசு அலுவலகங்கள் கல்லூரி செல்லும் மாணவர்கள், பயணிகள் உட்பட்ட பலர் கடும் அவதிக்கு உள்ளாகினர்.
