சீனாவின் டீப் ப்ளூ ஏரோஸ்பேஸ் நிறுவனம் உருவாக்கிய மறுபயன்பாட்டு மண்ணெண்ணெய் எரிபொருள் ராக்கெட், நெபுலா-1, மங்கோலியாவில் நடைபெற்ற அதிக உயர மீட்பு சோதனையில் தோல்வியடைந்துள்ளது. இந்த ராக்கெட் 11 பணிகளில் 10 பணிகளை வெற்றிகரமாக முடித்திருந்தாலும், தரையிறங்கும் போது ஏற்பட்ட தொழில்நுட்பக் கோளாறு காரணமாக ராக்கெட்டின் மேற்பகுதி உடைந்து சேதமடைந்துள்ளது.
பல சீன நிறுவனங்கள், எலான் மஸ்க்கின் ஸ்டார்லிங்க் போன்ற உலகளாவிய விண்வெளி நிறுவனங்களுடன் போட்டியிடவும், செலவுகளைக் குறைக்கவும் மண்ணெண்ணெய் போன்ற மாற்று எரிபொருட்களைப் பயன்படுத்தி ராக்கெட்டுகளை உருவாக்கும் முயற்சியில் ஈடுபட்டுள்ளன. இந்த நிலையில், நெபுலா-1 பரிசோதனை தோல்வியில் முடிந்துள்ளது. இருந்த போதிலும், சீனாவின் விண்வெளித் துறை வளர்ச்சியில் இந்த தோல்வி ஒரு தற்காலிக இடையூறாகவே பார்க்கப்படுகிறது. தொடர்ச்சியான ஆராய்ச்சி மற்றும் மேம்பாட்டு பணிகளின் மூலம், எதிர்காலத்தில் வெற்றிகரமான விண்வெளிப் பயணங்களை சீனா மேற்கொள்ளும் என்று எதிர்பார்க்கப்படுகிறது.
