2025-26 கல்வியாண்டிற்கான 'டான்செட்' மற்றும் 'சீட்டா' நுழைவுத் தேர்வுகள் நடைபெற உள்ளது.
தமிழகத்தில் அரசு மற்றும் தனியார் கல்லூரிகளில் முதுநிலை பட்டப்படிப்புகளில் சேர உள்ள மாணவர்களுக்கு, அண்ணா பல்கலைக்கழகத்தின் தமிழ்நாடு பொது நுழைவுத் தேர்வு (டான்செட்) மற்றும் பொது என்ஜினீயரிங் நுழைவுத் தேர்வு (சீட்டா) தேர்ச்சி பெறுவது கட்டாயம்.
2025-26 கல்வியாண்டுக்கான 'டான்செட்' தேர்வு மார்ச் 22-ந்தேதி, 'சீட்டா' தேர்வு மார்ச் 23-ந்தேதி நடைபெற உள்ளது. இந்த தேர்வுகளுக்கான ஆன்லைன் விண்ணப்பப் பதிவு இன்று தொடங்கப்பட்டுள்ளது. இளநிலை பட்டப்படிப்பை முடித்த அல்லது இறுதி செமஸ்டர் தேர்வு எழுதும் மாணவர்கள், பிப்ரவரி 21-ந்தேதி வரை விண்ணப்பிக்கலாம் என்று அண்ணா பல்கலைக்கழகத்தின் நுழைவுத் தேர்வு துறை செயலாளர் ஸ்ரீதரன் அறிவித்துள்ளார்.
