அமெரிக்காவில் சீனாவிற்கான கொரோனா மருந்து பொருட்களுக்கு சலுகை நீட்டிக்கப்பட்டுள்ளது.
2019-ல் கொரோனா வைரஸ் சீனாவில் உருவாகியது. இதனால் பல உயிரிழப்புகள் மற்றும் பொருளாதார பாதிப்புகள் ஏற்பட்டன. எனவே கொரோனாவை ஒழிக்கும் மருந்து பொருட்களுக்கு வரிவிலக்கு உள்ளிட்ட பல்வேறு சலுகைகளை பல நாடுகள் வழங்கின. அந்த வகையில் 2020இல் சீனாவில் இருந்து இறக்குமதி செய்யப்படும் மருந்து பொருட்களுக்கு வரி விலக்கு உள்ளிட்ட சலுகையை அமெரிக்கா வழங்கியது. இந்த சலுகை முடியவுள்ளது.
இந்நிலையில் அமெரிக்கா அரசு தற்போது கூடுதலாக 81 வகையான மருந்து பொருட்களுக்கு வருகிற 31-ம் தேதி வரை சலுகையை நீட்டித்துள்ளது. இதனை அமெரிக்க வர்த்தக பிரதிநிதி அலுவலகம் தனது அறிக்கையில் தெரிவித்துள்ளது.
