உதகையில் மகளிர் இலவச பேருந்து சேவை தொடக்கம்

மலைப்பிரதேசங்களில் இயக்கப்படும் பேருந்துகளில் மகளிர் இலவச பேருந்து சேவை தொடங்கப்படும் என தமிழ்நாடு பட்ஜெட்டில் அறிவிக்கப்பட்டிருந்தது.

2024-25 ஆம் ஆண்டுக்கான தமிழ்நாடு பட்ஜெட்டில் மலை பிரதேசங்களில் மகளிர் கட்டணம் இல்லாமல் பயணிக்கும் இலவச பேருந்து திட்டம் அமல்படுத்தப்படும் என அறிவிக்கப்பட்டுள்ளது. அதன்படி நேற்று முதல் இந்த திட்டம் பயன்பாட்டுக்கு வர உள்ளதாக போக்குவரத்து அமைச்சர் பேட்டி அளித்திருந்தார். நேற்று முதல் உதகையில் இந்த திட்டம் தொடங்கப்பட்டுள்ளது. மேலும் நீலகிரி மாவட்டத்தில் மகளிருக்கான இலவச பேருந்து பயணத்தில் இயக்கப்பட்ட 11 அரசு பேருந்துகள் 99 ஆக அதிகரிக்கப்பட்டுள்ளது. இனி இந்த திட்டத்தின் மூலம் 35 கிலோமீட்டர் வரை கட்டணம் இன்றி மகளிர் பயணம் செய்யலாம் என தெரிவிக்கப்பட்டுள்ளது