ஜப்பானின் வாகனத் தயாரிப்பு நிறுவனமான ஹோண்டா மோட்டார் கார்ப்பரேஷன் லிமிடெட் நிறுவனத்தின் இந்திய பிரிவில், முக்கிய மாற்றங்கள் அறிவிக்கப்பட்டுள்ளன. குறிப்பாக, இருசக்கர வாகனத் துறையின் இந்தியப் பிரிவு நிர்வாக இயக்குனர் மற்றும் தலைமை செயல் அதிகாரியாக ட்சுட்சுமு ஒடணி நியமிக்கப்பட்டுள்ளார். ஏற்கனவே, ஹோண்டா மோட்டார் கார்ப்பரேஷன் நிறுவனத்தின் துணைவேந்தராக செயல்பட்டு வரும் அவர், அட்சுஷி ஓகடாவை அடுத்து தொடர்வார் என தெரிவிக்கப்பட்டுள்ளது.
மேலும், நிறுவனத்தின் கார்ப்பரேட் விவகாரங்கள் மற்றும் பொதுத்துறை நிர்வாகியாக இருந்த வினய் திங்கிரா, மூத்த நிர்வாக அதிகாரியாக பதவி உயர்த்தப்பட்டுள்ளார். இவர் மனித வளம் மற்றும் நிர்வாகம், கார்ப்பரேட் விவகாரங்கள், தகவல் தொடர்பு உள்ளிட்ட பல்வேறு பிரிவுகளின் மூத்த அதிகாரியாக செயல்படுவார் என தெரிவிக்கப்பட்டுள்ளது. மேலும், நிறுவனத்தில் பணியாற்றி வந்த யோகேஷ் மாத்தூர் மற்றும் சஞ்சீவ் ஜெயின் ஆகியோர், இருசக்கர வாகனப் பிரிவின் நிர்வாகக் குழு உறுப்பினர்களாக இணைக்கப்பட்டுள்ளனர்.
