அனைத்து பாதுகாப்பு அமைப்புகளையும் ஊடுருவிச் செல்லக்கூடிய ஹைப்பர்சோனிக் ஏவுகணையை ஈரான் உருவாக்கியுள்ளது என்று அதன் விண்வெளிப் பிரிவின் தளபதி ஜெனரல் அமிராலி ஹாஜிசாதே தெரிவித்தார்.
ஹைப்பர்சோனிக் ஏவுகணைகள், அணு ஆயுதங்களை செலுத்தக்கூடிய பாரம்பரிய பாலிஸ்டிக் ஏவுகணைகள் போன்றவை. இவை ஒலியின் வேகத்தை விட ஐந்து மடங்கு அதிகமாக பறக்கும். பாலிஸ்டிக் ஏவுகணைகளைப் போலல்லாமல், ஹைப்பர்சோனிக் ஏவுகணைகள் வளிமண்டலத்தில் குறைந்த பாதையில் பறந்து, இலக்குகளை விரைவாக அடையும். இந்த ஹைப்பர்சோனிக் பாலிஸ்டிக் ஏவுகணை வான் பாதுகாப்பு அமைப்புகளை எதிர்கொள்ள உருவாக்கப்பட்டது. இது அனைத்து ஏவுகணை எதிர்ப்பு பாதுகாப்பு அமைப்புகளையும் உடைக்கும். இதை இடைமறிக்கும் திறன் கொண்ட ஒரு அமைப்பு உருவாக்கப்படுவதற்கு பல தசாப்தங்கள் ஆகும் என்றும் ஜெனரல் கூறினார்.
வாஷிங்டன் போஸ்ட் அக்டோபர் 16 அன்று ஈரான் ரஷ்யாவிற்கு ஏவுகணைகளை அனுப்ப தயாராகி வருவதாக செய்தி வெளியிட்டது. ஆனால் தெஹ்ரான் அந்த அறிக்கையை தவறானது என்று நிராகரித்தது. இந்நிலையில்
ஈரான் ரஷ்யாவிற்கு ட்ரோன்களை அனுப்பியதை ஒப்புக்கொண்ட சில நாட்களுக்குப் பிறகு இந்த அறிவிப்பு வந்துள்ளது.
