இந்திய விண்வெளி ஆராய்ச்சி மையம் (இஸ்ரோ) தனது அடுத்த பெரிய விண்வெளித் திட்டமான வீனஸ் ஆர்பிட்டர் மிஷன் (VOM) ஐ அறிவித்துள்ளது. மார்ச் 29, 2028 அன்று LVM-3 ராக்கெட் மூலம் இந்தத் திட்டம் தொடங்கி வைக்கப்படும். நான்கு மாத கால பயணத்திற்குப் பிறகு, ஜூலை 2028-க்குள் வெள்ளி கிரகத்தின் சுற்றுப்பாதையில் ஆர்பிட்டர் நுழையும்.
வெள்ளி என்றழைக்கப்படும் இந்த கிரகத்தின் வளிமண்டலம் மற்றும் புவியியல் குறித்து ஆராய்ச்சி மேற்கொள்வது இந்தத் திட்டத்தின் முக்கிய நோக்கமாகும். சுமார் ₹1,236 கோடி செலவில் செயல்படுத்தப்படும் இந்த திட்டம், ஐந்து ஆண்டுகளுக்கு வெள்ளியின் மேற்பரப்பு மற்றும் வளிமண்டலத்தை உயர் தெளிவுத்திறன் கொண்டு ஆய்வு செய்யும். குறிப்பாக, வெள்ளியின் பரிணாம வளர்ச்சி மற்றும் சூரிய செயல்பாடுகள் வெள்ளியை எவ்வாறு பாதிக்கின்றன என்பதை புரிந்துகொள்வது இதன் நோக்கமாகும்.
