வங்கிக் கணக்குகள் தொடர்பான முக்கியமான மாற்றங்களை கொண்டுவரும் வங்கி சட்ட திருத்த மசோதா, மக்களவையில் நிறைவேற்றப்பட்டுள்ளது. இந்த மசோதா மூலம் வாடிக்கையாளர்களுக்கு பல நன்மைகள் கிடைக்கும் என மத்திய நிதியமைச்சர் நிர்மலா சீதாராமன் தெரிவித்துள்ளார்.
இனி ஒரு வங்கிக் கணக்கில் நான்கு நபர்களை நாமினியாக நியமிக்கலாம். வங்கிகளின் நிர்வாகம் மேம்படுத்தப்பட்டு, முதலீட்டாளர்களின் பாதுகாப்பு உறுதி செய்யப்படும். கூட்டுறவு வங்கிகளின் இயக்குநர்களின் பதவிக் காலம் நீட்டிக்கப்பட்டுள்ளது. இந்த மாற்றங்கள் வங்கித் துறையில் புதிய அத்தியாயத்தைத் தொடங்கி வைக்கும் என எதிர்பார்க்கப்படுகிறது.
