செப்டம்பர் மாதத்தில், ஏர்டெல், ஜியோ, வோடபோன் உள்ளிட்ட மொபைல் நிறுவனங்களின் சந்தாதாரர்கள் எண்ணிக்கை 3.66% சரிந்து, 1.145 பில்லியனாக உள்ளது. அண்மையில், ட்ராய் வெளியிட்டுள்ள அறிக்கையில் இது தெரிவிக்கப்பட்டுள்ளது.
குறிப்பாக, வோடபோன் நிறுவனம் பெருமளவு சந்தாதாரர்களை இழந்துள்ளது. ஏர்டெல் மற்றும் ஜியோ நிறுவனங்களும் புதிதாக இணையும் சந்தாதாரர்கள் எண்ணிக்கையில் சரிவை சந்தித்துள்ளன. ட்ராய் தகவல்கள் அடிப்படையில், ஏர்டெல் நிறுவனத்திற்கு 98.56% பயனாளர்களும், ஜியோ நிறுவனத்திற்கு 91.3% பயனாளர்களும், வோடபோன் நிறுவனத்திற்கு 85.17% பயனாளர்களும் செயல்பாட்டில் உள்ளனர். வயர்லெஸ் சேவைகள் பெறுவோரின் எண்ணிக்கை குறைந்துள்ள அதே வேளையில், இந்த நிறுவனங்களின் வயர்லைன் இணைய சேவைகள் பெறுவோரின் எண்ணிக்கை அதிகரித்துள்ளது. செப்டம்பர் மாத தரவுகள் அடிப்படையில், 26.47 மில்லியன் பயனாளர்கள் வயர்லைன் இணைய சேவையை பயன்படுத்துகின்றனர்.
