முகேஷ் அம்பானி தலைமையிலான ரிலையன்ஸ் இண்டஸ்ட்ரீஸ் லிமிடெட் (RIL), தனது கடனைத் தீர்க்க $3 பில்லியன் (சுமார் ரூ. 25,500 கோடி) கடன் பெறுவதற்கான நடவடிக்கைகளை எடுத்து வருகிறது. ரிலையன்ஸ், கடந்த ஆண்டு $8 பில்லியன் கடனை பெற்றதைத் தொடர்ந்து, மீண்டும் சர்வதேச சந்தையை நோக்கி திரும்பியுள்ளது. வரும் 2025 ஆம் ஆண்டின் தொடக்கத்தில் இந்த கடன் ஒப்பந்தம் நிறைவேறும் என எதிர்பார்க்கப்படுகிறது.
மூடிஸ் நிறுவனத்தின் மதிப்பீட்டின்படி, ரிலையன்ஸ் இந்திய அரசை விட அதிக கடன் தகுதியைப் பெற்றுள்ளது. இதன் காரணமாக, ரூபாய் மதிப்பு குறைந்து, மூலதனச் செலவு அதிகரித்திருந்தாலும், ரிலையன்ஸ் எளிதாக கடன் பெற முடிகிறது. இந்த புதிய கடன் மூலம், ரிலையன்ஸ் தனது வளர்ச்சித் திட்டங்களுக்கு நிதியுதவி செய்யும்.
