கடந்த 2022 ஆம் ஆண்டு ஜனவரியில் வெடித்த ஹங்கா டோங்கா-ஹுங்கா ஹா'பாய் எரிமலையின் வெடிப்புக்கு 15 நிமிடங்களுக்கு முன்பே ஒரு நிலநடுக்கம் ஏற்பட்டிருந்தது என்பதை புதிய ஆய்வு ஒன்று தெரிவிக்கிறது. இந்த நிலநடுக்கம் அப்போது கண்டறியப்படவில்லை என்பது குறிப்பிடத்தக்கது.
டோக்கியோ பல்கலைக்கழகத்தைச் சேர்ந்த விஞ்ஞானிகள் நடத்திய ஆய்வில், எரிமலையில் இருந்து 750 கிலோ மீட்டர் தொலைவில் ரெய்லி அலை எனப்படும் ஒரு வகை நிலநடுக்க அலை கண்டறியப்பட்டது. இந்த அலை, கடல் மேலோட்டில் ஏற்பட்ட பிளவின் காரணமாக கடல் நீர் எரிமலையின் மாக்மாவுடன் சேர்ந்து வெடிப்பை ஏற்படுத்தியிருக்கலாம் என ஆராய்ச்சியாளர்கள் கருதுகின்றனர். இந்த கண்டுபிடிப்பு, எதிர்காலத்தில் கடலில் உள்ள எரிமலைகள் வெடிப்பதை முன்கூட்டியே கணிக்க உதவும் புதிய எச்சரிக்கை அமைப்புகளை உருவாக்க வழிவகுக்கும். இதன் மூலம் சுனாமி போன்ற பேரழிவுகளை முன்கூட்டியே கணித்து அதற்கான தயாரிப்புகளை மேற்கொள்ள முடியும் என்று விஞ்ஞானிகள் கூறுகின்றனர்.
