அமெரிக்க விண்வெளி ஆய்வு நிறுவனமான நாசா, பல்வேறு விண்வெளி ஆராய்ச்சிகள் மற்றும் விண்வெளி திட்டங்களில் ஈடுபட்டு வருகிறது. இதற்கான நிதி தேவைகளை அமெரிக்கா பூர்த்தி செய்து வருகிறது. அந்த வகையில், 2024 ஆம் ஆண்டுக்கான பட்ஜெட்டில், நாசாவுக்கு 27.2 பில்லியன் டாலர்கள் ஒதுக்கீடு செய்யப்பட்டுள்ளது. இது கடந்த ஆண்டு ஒதுக்கப்பட்ட நிதியை விட 7%, அதாவது 1.8 பில்லியன் டாலர்கள் கூடுதல் ஆகும். இது நாசாவின் நிலவு திட்டம், செவ்வாய் கிரகத் திட்டம், சூரிய ஆய்வு திட்டம் ஆகியவற்றுக்கு மிகவும் பயன் அளிக்கும் என்று கூறப்படுகிறது.
நாசா, ஒதுக்கப்பட்ட நிதியை பின்வருமாறு பிரித்துள்ளது: நிலவு குறித்த ஆராய்ச்சி திட்டங்களுக்கு 8.1 பில்லியன், செவ்வாய் கிரக ஆய்வு திட்டங்களுக்கு 949 மில்லியன், பூமி குறித்த ஆராய்ச்சிகளுக்கு 2.5 பில்லியன், விண்வெளி குப்பைகளை அகற்றும் திட்டங்களுக்கு 39 மில்லியன். இவற்றில், காலநிலை மாற்றம் சார்ந்த ஆராய்ச்சிகள் உள்ளடங்கும் என்று தெரிவிக்கப்பட்டுள்ளது. இது தவிர, கார்பன் சமநிலையை எட்டுவதற்கான தொழில்நுட்பங்களை ஆராய்ச்சி செய்ய 500 மில்லியன் ஒதுக்கப்பட்டுள்ளது. மேலும், விண்வெளி துறையில் புதிய வாய்ப்புகளுக்கான ஆராய்ச்சிக்கு 1.39 பில்லியன் ஒதுக்கீடு செய்யப்பட்டுள்ளது.
