காற்று மாசு காரணமாக உயிரிழப்போரின் எண்ணிக்கை ஆண்டுக்கு ஆண்டு உயர்ந்து வருகிறது. இந்த நிலையில், இதனை எதிர்த்து, துல்லியமான முன் அறிவிப்புகள் மற்றும் எச்சரிக்கைகளை கொடுக்கும் அமைப்புகளை நாசா உருவாக்கி வருகிறது. அதன்படி, இந்த வாரம், பிலிப்பைன்சில் DC 8 என்ற ஆய்வகம் காற்றில் பறக்க உள்ளது. தரையில் இருந்து 15 மீட்டர் உயரம் வரை பறந்து சென்று, காற்றில் உள்ள நுண் பொருட்களை சேகரித்து ஆய்வு செய்ய உள்ளது. ஒரே தடவையில் 8 மணி நேரம் வரை பறக்கும் திறன் கொண்டதாக இது சொல்லப்பட்டுள்ளது. நாசா இந்த செய்தியை தெரிவித்துள்ளது.
நாசா தெரிவித்துள்ள இந்த செய்தியின் படி, உலகின் மிகப்பெரிய பறக்கும் ஆய்வகமாக டிசி 8 உள்ளது. இந்த ஆய்வுகளின் மூலம், காற்று மாசு எங்கெங்கு அதிக அளவு உயர்கிறது, எந்தெந்த பொருட்கள் மூலம் காற்று மாசு உயர்கிறது போன்ற துல்லியமான விவரங்கள் கிடைக்கும் என விஞ்ஞானிகள் தெரிவித்துள்ளனர்.
