மத்திய அரசு 5, 8-ம் வகுப்புகளில் கட்டாய தேர்ச்சி முறையை ரத்து செய்தது.
மத்திய அரசு, 5, 8-ம் வகுப்புகளில் அனைத்து மாணவர்களும் கட்டாய தேர்ச்சி பெற வேண்டும் என்ற முறையை ரத்து செய்துள்ளது. குழந்தைகளின் கற்றல் திறனை மேம்படுத்தும் நோக்கில் இந்த முடிவை அரசு எடுத்துள்ளது. மத்திய அரசு பள்ளிகளான கேந்திர வித்யாலயா, நவோதயா, சைனிக் பள்ளிகளில் கட்டாய தேர்ச்சி முறை ரத்தாகியுள்ளது.புதுச்சேரியிலுள்ள பிராந்தியங்களில், புதுச்சேரி, காரைக்கால், மாகி, மற்றும் ஏனாம் இடங்களில், நடப்பு கல்வி ஆண்டில் முதல் முறையாக மத்திய பாடத்திட்டமான சி.பி.எஸ்.இ. பாடத்திட்டம் அமலாக்கப்பட்டுள்ளது. இதன் மூலம் புதுவை மாணவர்கள் பொதுத்தேர்வுகளை எழுதவுள்ளார்கள்.
இதன்பின், கட்டாய தேர்ச்சி ரத்து குறித்து முதலமைச்சர் ரங்கசாமி மற்றும் கல்வி அமைச்சர் நமச்சிவாயம் கருத்து தெரிவித்தனர். நமச்சிவாயம் கூறியதாவது: "புதுச்சேரி மத்திய அரசின் கல்வித்திட்டத்தின் கீழ் செயல்பட்டு வருகிறது. இதன் மூலம் அரசு பள்ளி மாணவர்களின் கல்வித் தரம் உயரும். தனியார் பள்ளிகளும் இந்த உத்தரவை பின்பற்ற வேண்டும்" என தெரிவித்துள்ளார்.
