ராமேசுவரம் எக்ஸ்பிரஸ் ரயில்கள் சில தேதிகளில் ரத்து

பராமரிப்பு பணி காரணமாக ரயில் இயக்கத்தில் மாற்றங்கள் அறிவிக்கப்பட்டுள்ளது.

தெற்கு ரயில்வே வெளியிட்டுள்ள செய்திக்குறிப்பின்படி, கர்நாடக மாநிலம் தார்வார் மாவட்டத்தில் உள்ள உப்பள்ளி ரயில்வே நிலையத்திலிருந்து காலை 6:50 மணிக்கு புறப்படும் ராமேசுவரம் நோக்கி செல்லும் எக்ஸ்பிரஸ் ரயில் (வண்டி எண்-07355) அடுத்த மாதம் மார்ச் 22, 29 மற்றும் ஏப்ரல் 5, 12, 19, 26 ஆகிய தேதிகளில் ரத்து செய்யப்படவுள்ளது.

இதற்கு மாறாக, ராமேசுவரம் நகரத்திலிருந்து இரவு 9 மணிக்கு புறப்படும் உப்பள்ளி செல்லும் எக்ஸ்பிரஸ் ரயில் (07356) அடுத்த மாதம் 23, 30 மற்றும் ஏப்ரல் 6, 13, 20, 27 ஆகிய தேதிகளில் ரத்து செய்யப்படும் என தெரிவிக்கப்பட்டுள்ளது.மேலும், இந்த ரயில்கள் தற்போது பராமரிப்பு பணி காரணமாக மண்டபம் ரயில்வே நிலையத்திலிருந்து இயக்கப்படுகின்றன.