தமிழகத்தில் இவ்வாண்டு என்ஜினியரிங் சேர்க்கைக்கு மாணவர்கள் அதிக ஆர்வம் காட்டியுள்ள நிலையில், தற்போது ரேண்டம் எண் வெளியிடப்பட்டுள்ளது.
ஏற்கனவே ஆன்லைன் விண்ணப்பம் ஜூன் 6-ம் தேதியுடன் முடிவடைந்தது. மாணவர் சேர்க்கைக்குழு இன்று அனைத்து விண்ணப்பதாரர்களுக்கும் தனித்தனியாக 10 இலக்க ரேண்டம் எண்கள் ஒதுக்கியுள்ளது. இந்த எண்கள் கலந்தாய்வு மற்றும் தரவரிசை நிர்ணயத்தில் முக்கிய பங்கு வகிக்கின்றன. மாணவர்கள் தங்களது ரேண்டம் எண்ணை tneaonline.org என்ற அதிகாரப்பூர்வ இணையதளத்தில் சென்று அறிந்து கொள்ளலாம். விரைவில் கலந்தாய்வு நடைபெற உள்ளதால், மாணவர்கள் இணையதளத்தை அடிக்கடி பார்வையிட்டு தகவல்களை தெரிந்து கொள்ள வேண்டியது அவசியம்.
