ஷாவ்மி நிறுவனம், அதன் பிரபலமான ரெட்மி நோட் தொடரில், ரெட்மி நோட் 14 ப்ரோ மற்றும் ரெட்மி நோட் 14 ப்ரோ பிளஸ் ஆகிய 2 கைபேசிகளை இந்தியாவில் அறிமுகம் செய்துள்ளது. டிசம்பர் 9, 2024 அன்று வெளியிடப்பட்ட இந்த இரு போன்களும் சிறப்பான கேமரா, நீண்ட நேரம் பயன்படுத்தக்கூடிய பேட்டரி மற்றும் அதிநவீன வடிவமைப்பு ஆகியவற்றைக் கொண்டுள்ளன.
இரு போன்களிலும் 6.67-இன்ச் AMOLED டிஸ்ப்ளே மற்றும் 3,000 நிட்ஸ் பிக்சல் பிரகாசம் உள்ளது. கேமரா அம்சங்களைப் பொறுத்தவரை, Redmi Note 14 Pro ஆனது 50MP Sony LYT 600 முதன்மை கேமரா, 8MP அல்ட்ரா-வைட் கேமரா மற்றும் 2MP மேக்ரோ கேமரா ஆகியவற்றைக் கொண்டுள்ளது. Redmi Note 14 Pro+ இன்னும் மேம்படுத்தப்பட்ட கேமரா அமைப்பைக் கொண்டுள்ளது. இதில் 50MP Lighthunder 800 முதன்மை கேமரா, 50MP டெலிஃபோட்டோ கேமரா மற்றும் 8MP அல்ட்ரா-வைட் கேமரா ஆகியவை இடம்பெற்றுள்ளன. இரு போன்களும் 5G இணைப்பு, IP68/IP69 நீர் எதிர்ப்பு மற்றும் சக்திவாய்ந்த பேட்டரி ஆகியவற்றைக் கொண்டுள்ளன.
