பங்குச் சந்தை ஏற்ற இறக்கமின்றி நிறைவு

கடந்த இரு அமர்வுகளாக ஏற்றம் பெற்று வந்த இந்திய பங்குச்சந்தை, இன்று பெரிய மாற்றங்கள் எதுவும் இன்றி நிறைவு பெற்றுள்ளது. ஆனால், நேற்றைய தினத்தைவிட சரிவுடன் நிறைவடைந்துள்ளது. இன்றைய வர்த்தக நேர முடிவில், மும்பை பங்குச் சந்தையின் சென்செக்ஸ் குறியீட்டு எண் 64.66 புள்ளிகள் சரிந்து, 66408.39 புள்ளிகள் ஆக உள்ளது. அதே சமயத்தில், தேசிய பங்குச் சந்தையின் நிஃப்டி குறியீட்டு எண் 17.35 புள்ளிகள் சரிந்து 19794 புள்ளிகள் ஆக உள்ளது.
இன்றைய வர்த்தகத்தில், பிபிசிஎல், கோல் இந்தியா, மாருதி சுசுகி, என்டிபிசி, ஹெச்டிஎஃப்சி வங்கி, ரிலையன்ஸ், ஐ சி ஐ சி ஐ வங்கி, பவர் கிரிட், டாடா ஸ்டீல், ஐடிசி ஆகிய நிறுவனங்கள் ஏற்றம் பெற்றுள்ளன. அதே சமயத்தில், இன்ஃபோசிஸ், எஸ் பி ஐ, டிசிஎஸ், பஜாஜ் பைனான்ஸ், டெக் மஹிந்திரா, அப்பல்லோ ஹாஸ்பிடல் ஆகிய நிறுவனங்கள் சரிவை சந்தித்துள்ளன.