கடந்த மே மாதம், தாய்லாந்து நாட்டில் நாடாளுமன்ற தேர்தல் நடந்து முடிந்தது. தற்போது, அந்நாட்டின் புதிய பிரதமராக சிரத்தா தவிசின் அறிவிக்கப்பட்டுள்ளார்.
மொத்தம் 500 உறுப்பினர்களைக் கொண்ட தாய்லாந்து நாடாளுமன்றத்திற்கான தேர்தலில், எந்த கட்சிக்கும் அறுதி பெரும்பான்மை இல்லாததால், இழுபறி நிலை இருந்து வந்தது. மூவ் பார்வேர்ட் கட்சி மற்றும் பியூ தாய் கட்சி ஆகிய இரண்டுக்கும் இடையே போட்டி நிலவியது. தற்போது, ஆட்சி பொறுப்பில் இருக்கும் யுனைடெட் தாய் நேஷன், தேர்தலில் கடும் தோல்வியை சந்தித்துள்ளதால் ஆட்சி அமைக்கும் போட்டிக்குள் நுழையவில்லை. அந்த வகையில், பியூ தாய் கட்சி, தாய்லாந்து ஆட்சி பொறுப்பில் நீண்ட காலமாக இருந்து வந்துள்ளதால், இதர கட்சிகள் அதனுடன் கூட்டணியில் இணைந்துள்ளன. அதன்படி, பியூ தாய் கட்சியை சேர்ந்த சிரத்தா தவிசின் பிரதமராக தேர்ந்தெடுக்கப்பட்டுள்ளார். தற்போதைய நிலையில், 60 வயதாகும் தவிசின், தாய்லாந்தின் 30 வது பிரதமராக விரைவில் பொறுப்பேற்க உள்ளார்.
