ஐ.நா. அமைப்பின் அறிக்கையில், தெற்கு சூடானில் ஏற்பட்ட வெள்ளத்தினால், 14 லட்சம் பேர் பாதிக்கப்பட்டுள்ளதாக தெரிவிக்கப்படுகிறது.
ஐ.நா. அமைப்பின் மனிதாபிமான விவகாரங்களுக்கான ஒருங்கிணைப்புக்கான அலுவலகம் வெளியிட்ட அறிக்கையில், தெற்கு சூடானில் ஏற்பட்ட வெள்ளத்தினால், தெற்கு சூடான், சூடான் மற்றும் அபை நிர்வாக பகுதியுடன் சேர்ந்து 43 நாடுகளைச் சேர்ந்த 14 லட்சம் பேர் பாதிக்கப்பட்டுள்ளதாக தெரிவிக்கப்படுகிறது. இதில், ஜாங்லெய் மற்றும் வடக்கு பாஹ்ர் எல் கஜல் மாகாணங்கள் 51% அளவில் மிகக் கடுமையாக பாதிக்கப்பட்டுள்ளன. 22 நாடுகள் மற்றும் அபை பகுதியில் 3.79 லட்சம் பேர் புலம்பெயர்ந்து உள்ளனர். வெள்ளத்தின் காரணமாக, வீடுகள் சேதமடைந்து, கால்நடைகளும் பயிர்களும் பாதிக்கப்பட்டுள்ளன. மேலும், மலேரியா தொற்றின் பரவலும் அதிகரித்து வருகிறது. பருவநிலை மாற்றம் காரணமாக, கடந்த சில ஆண்டுகளில் தெற்கு சூடானின் நிலை மோசமாகியுள்ளது. 2021-ம் ஆண்டில் யுனிசெப் வெளியிட்ட அறிக்கையின்படி, ஒவ்வொரு ஆண்டும் 7.5 லட்சம் முதல் 10 லட்சம் பேர் வெள்ளத்தால் பாதிக்கப்படுகின்றனர்.
