திருப்பதி ஏழுமலையான் கோவில் பிரம்மோற்சவத்தை ஒட்டி 150 சிறப்பு பேருந்துகளை இயக்க தமிழ்நாடு அரசு போக்குவரத்து கழகம் ஏற்பாடு செய்துள்ளது.
திருப்பதி ஏழுமலையான் கோவிலில் செப்டம்பர் 27 முதல் அக்டோபர் 5ம் தேதி வரை பிரம்மோற்சவ விழா நடைபெறவுள்ளது. 9 நாட்கள் நடைபெற உள்ள பிரம்மோற்சவ விழாவில், அக்டோபர் மாதம் 1ம் தேதி இரவு 7 மணிக்கு கருட சேவை நடைபெற உள்ளது. அன்றைய தினம் பக்தர்களின் கூட்டம் அதிகரிக்கும் என எதிர்பார்க்கப்படுகிறது. மேலும், அக்டோபர் 2-ம் தேதி தங்க ரதத்தில் சுவாமி பவனி நடைபெறவுள்ளது.
அக்டோபர் 3ம் தேதி காலை தேர்த் திருவிழாவும், 4-ம் தேதி சக்கர ஸ்நான நிகழ்ச்சியும் நடத்தப்பட உள்ளது. பிரம்மோற்சவ தொடக்க நாளான நாளான செப்டம்பர் மாதம் 27-ம் தேதி, ஆந்திர அரசு சார்பில் முதல்வர் ஜெகன்மோகன் ரெட்டி சுவாமிக்கு பட்டு வஸ்திரங்களை காணிக்கையாக வழங்க உள்ளார்.
இதற்காக தமிழகத்தில் 150 சிறப்பு பேருந்துகள் இயக்கப்படவுள்ளது. சென்னையில் இருந்து ஊத்துக்கோட்டை வழியாக திருமலைக்கு 30 பேருந்துகளும், காளஹஸ்தி வழியாக 55 பேருந்துகள் , திருவண்ணாமலையில் இருந்து வேலூர் வழியாக 20 பேருந்துகள், வேலூர் சித்தூர் வழியாக 65 பேருந்துகள், கிருஷ்ணகிரியில் இருந்து தருமபுரி, குப்பம் வழியாக 15 பஸ்கள், கள்ளக்குறிச்சியில் இருந்து 8 பேருந்துகளும் இயக்கப்படவுள்ளது.
