இந்தியாவில் டிஜிட்டல் பண பரிமாற்றம் அபார வளர்ச்சியை கண்டுள்ளது. 2024 ஆம் ஆண்டு ஜனவரி முதல் நவம்பர் வரையிலான காலகட்டத்தில் மட்டும், 15,547 கோடி UPI பரிவர்த்தனைகள் நடைபெற்றுள்ளன. இதன் மதிப்பு ரூ.223 லட்சம் கோடியை எட்டியுள்ளது. இது இந்தியாவின் டிஜிட்டல் பொருளாதாரம் வளர்ச்சியடைந்து வருவதற்கான சான்றாகும்.
தற்போது, UPI உலகளாவிய அளவில் ஏழு நாடுகளில் செயல்பட்டு வருகிறது. இந்தியாவில், கடந்த அக்டோபர் மாதத்தில் மட்டும், UPI மூலம் 16.58 பில்லியன் பரிவர்த்தனைகள் நடைபெற்றுள்ளன. இது கடந்த ஆண்டின் அதே மாதத்தை விட 45% அதிகரிப்பாகும். இந்தியாவில் டிஜிட்டல் பணப்பரிமாற்றம் நாளுக்கு நாள் அதிகரித்து வருவது, நாடு முழுவதும் டிஜிட்டல் பொருளாதாரம் வளர்ச்சி அடைவதற்கான அறிகுறியாகும்.
